كلنا أنانيين بطريقة ما. دي حاجة أنا مؤمنة بها تماما. و مش بقولها باستنكار, و لكن دي ببساطة طبيعة الإنسان. بس حاجة لاحظتها من خلال كلامي مع ناس, منهم صحاب مقربين و منهم ناس معرفهمش كويس, إن ساعات الأنانية دي بتظهر بشكل مقزز. يعني مثلا لما نكون بنتكلم عن المستقبل و أحلامنا و أهدافنا و كدا, بقيت ألاحظ نمط مكرر. خلاصة الكلام إن الشخص إللي بتكلم معاه بيكون  عايز يكون الأذكى و الأقوى و الأحسن و الأجمل و الأطول و الأرفع. كنت بتكلم مع صديقة مقربة في الموضوع ده و لقيت إنها برضو هدفها إنها تكون كدا. و مقدرتش إني أمسك نفسي و سألت بصوت عالي ليه لازم كل حاجة تكون منافسة. إحنا بالطريقة دي بنقارن نفسنا بكل الناس التانية على طول, و ده عمره ما هيجيب راحة بال و لا راحة نفسية. مش بقترح إن إحنا ميكونش عندنا طموح أو إن إحنا نرضى بأي بطيخ و السلام كدا, و لكن ليه مينفعش تتعمل الحاجة ليك و ما بين نفسك بس؟  جاوبت علي و قالت لي إنه عشان في الزمن ده كل حاجة اتحولت إلى  و منافسة, مين هيطلع أجدد blackberry و iPhone

و إن هي عن نفسها نفسها تكون الأحسن و الأقوى عشان تعيش مستريحة و إنه لما تكون الأفضل هتعيش مستريحة من غير قلق و هتكون أسعد

 و برجع أنا أسأل ليه كل حاجة عايزينها لازم تكون ب ال superlative, يعني آخرها -est, زي smartest, thinnest, prettiest, tallest, و هكذا

, و إيش عرفك إن هو دا طريق السعادة؟ و إنت عندك فلوس بالهبل؟ السعادة دي حاجة إحنا إللي بنختار إللي نخلقها, السعادة ممكن تكون موجودة في كوباية شاي و رغيف عيش سخن